אסתר 9 : 1 (ALEP)
א ובשנים עשר חדש הוא חדש אדר בשלושה עשר יום בו אשר הגיע דבר המלך ודתו להעשות ביום אשר שברו איבי היהודים לשלוט בהם ונהפוך הוא אשר ישלטו היהודים המה בשנאיהם
אסתר 9 : 2 (ALEP)
ב נקהלו היהודים בעריהם בכל מדינות המלך אחשורוש לשלח יד במבקשי רעתם ואיש לא עמד לפניהם כי נפל פחדם על כל העמים
אסתר 9 : 3 (ALEP)
ג וכל שרי המדינות והאחשדרפנים והפחות ועשי המלאכה אשר למלך--מנשאים את היהודים כי נפל פחד מרדכי עליהם
אסתר 9 : 4 (ALEP)
ד כי גדול מרדכי בבית המלך ושמעו הולך בכל המדינות כי האיש מרדכי הולך וגדול
אסתר 9 : 5 (ALEP)
ה ויכו היהודים בכל איביהם מכת חרב והרג ואבדן ויעשו בשנאיהם כרצונם
אסתר 9 : 6 (ALEP)
ו ובשושן הבירה הרגו היהודים ואבד--חמש מאות {ר} איש {ס}
אסתר 9 : 7 (ALEP)
ז ואת {ר} פרשנד ת א {ס} ואת {ר} דלפון {ס} ואת {ר} אספתא {ס}
אסתר 9 : 8 (ALEP)
ח ואת {ר} פורתא {ס} ואת {ר} אדליא {ס} ואת {ר} ארידתא {ס}
אסתר 9 : 9 (ALEP)
ט ואת {ר} פרמ ש תא {ס} ואת {ר} אריסי {ס} ואת {ר} ארידי {ס} ואת {ר} ו י ז תא {ס}
אסתר 9 : 10 (ALEP)
י עשרת {ר} בני המן בן המדתא צרר היהודים--הרגו ובבזה--לא שלחו את ידם
אסתר 9 : 11 (ALEP)
יא ביום ההוא בא מספר ההרוגים בשושן הבירה--לפני המלך
אסתר 9 : 12 (ALEP)
יב ויאמר המלך לאסתר המלכה בשושן הבירה הרגו היהודים ואבד חמש מאות איש ואת עשרת בני המן--בשאר מדינות המלך מה עשו ומה שאלתך וינתן לך ומה בקשתך עוד ותעש
אסתר 9 : 13 (ALEP)
יג ותאמר אסתר אם על המלך טוב--ינתן גם מחר ליהודים אשר בשושן לעשות כדת היום ואת עשרת בני המן יתלו על העץ
אסתר 9 : 14 (ALEP)
יד ויאמר המלך להעשות כן ותנתן דת בשושן ואת עשרת בני המן תלו
אסתר 9 : 15 (ALEP)
טו ויקהלו היהודיים (היהודים) אשר בשושן גם ביום ארבעה עשר לחדש אדר ויהרגו בשושן שלש מאות איש ובבזה--לא שלחו את ידם
אסתר 9 : 16 (ALEP)
טז ושאר היהודים אשר במדינות המלך נקהלו ועמד על נפשם ונוח מאיביהם והרוג בשנאיהם חמשה ושבעים אלף ובבזה--לא שלחו את ידם
אסתר 9 : 17 (ALEP)
יז ביום שלושה עשר לחדש אדר ונוח בארבעה עשר בו ועשה אתו יום משתה ושמחה
אסתר 9 : 18 (ALEP)
יח והיהודיים (והיהודים) אשר בשושן נקהלו בשלושה עשר בו ובארבעה עשר בו ונוח בחמשה עשר בו ועשה אתו יום משתה ושמחה
אסתר 9 : 19 (ALEP)
יט על כן היהודים הפרוזים (הפרזים) הישבים בערי הפרזות--עשים את יום ארבעה עשר לחדש אדר שמחה ומשתה ויום טוב ומשלח מנות איש לרעהו
אסתר 9 : 20 (ALEP)
כ ויכתב מרדכי את הדברים האלה וישלח ספרים אל כל היהודים אשר בכל מדינות המלך אחשורוש--הקרובים והרחוקים
אסתר 9 : 21 (ALEP)
כא לקים עליהם--להיות עשים את יום ארבעה עשר לחדש אדר ואת יום חמשה עשר בו בכל שנה ושנה
אסתר 9 : 22 (ALEP)
כב כימים אשר נחו בהם היהודים מאיביהם והחדש אשר נהפך להם מיגון לשמחה ומאבל ליום טוב לעשות אותם ימי משתה ושמחה ומשלח מנות איש לרעהו ומתנות לאבינים
אסתר 9 : 23 (ALEP)
כג וקבל היהודים את אשר החלו לעשות ואת אשר כתב מרדכי אליהם
אסתר 9 : 24 (ALEP)
כד כי המן בן המדתא האגגי צרר כל היהודים--חשב על היהודים לאבדם והפל פור הוא הגורל להמם ולאבדם
אסתר 9 : 25 (ALEP)
כה ובבאה לפני המלך אמר עם הספר ישוב מחשבתו הרעה אשר חשב על היהודים על ראשו ותלו אתו ואת בניו על העץ
אסתר 9 : 26 (ALEP)
כו על כן קראו לימים האלה פורים על שם הפור--על כן על כל דברי האגרת הזאת ומה ראו על ככה ומה הגיע אליהם
אסתר 9 : 27 (ALEP)
כז קימו וקבל (וקבלו) היהודים עליהם ועל זרעם ועל כל הנלוים עליהם ולא יעבור--להיות עשים את שני הימים האלה ככתבם וכזמנם בכל שנה ושנה
אסתר 9 : 28 (ALEP)
כח והימים האלה נזכרים ונעשים בכל דור ודור משפחה ומשפחה מדינה ומדינה ועיר ועיר וימי הפורים האלה לא יעברו מתוך היהודים וזכרם לא יסוף מזרעם {ס}
אסתר 9 : 29 (ALEP)
כט ו ת כתב אסתר המלכה בת אביחיל ומרדכי היהודי--את כל תקף לקים את אגרת הפרים הזאת--השנית
אסתר 9 : 30 (ALEP)
ל וישלח ספרים אל כל היהודים אל שבע ועשרים ומאה מדינה--מלכות אחשורוש דברי שלום ואמת
אסתר 9 : 31 (ALEP)
לא לקים את ימי הפרים האלה בזמניהם כאשר קים עליהם מרדכי היהודי ואסתר המלכה וכאשר קימו על נפשם ועל זרעם דברי הצומות וזעקתם
אסתר 9 : 32 (ALEP)
לב ומאמר אסתר--קים דברי הפרים האלה ונכתב בספר {ס}
❮
❯