דברים 22 : 1 (ALEP)
א לא תראה את שור אחיך או את שיו נדחים והתעלמת מהם השב תשיבם לאחיך
דברים 22 : 2 (ALEP)
ב ואם לא קרוב אחיך אליך ולא ידעתו--ואספתו אל תוך ביתך והיה עמך עד דרש אחיך אתו והשבתו לו
דברים 22 : 3 (ALEP)
ג וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלם {ס}
דברים 22 : 4 (ALEP)
ד לא תראה את חמור אחיך או שורו נפלים בדרך והתעלמת מהם הקם תקים עמו {ס}
דברים 22 : 5 (ALEP)
ה לא יהיה כלי גבר על אשה ולא ילבש גבר שמלת אשה כי תועבת יהוה אלהיך כל עשה אלה {פ}
דברים 22 : 6 (ALEP)
ו כי יקרא קן צפור לפניך בדרך בכל עץ או על הארץ אפרחים או ביצים והאם רבצת על האפרחים או על הביצים--לא תקח האם על הבנים
דברים 22 : 7 (ALEP)
ז שלח תשלח את האם ואת הבנים תקח לך למען ייטב לך והארכת ימים {ס}
דברים 22 : 8 (ALEP)
ח כי תבנה בית חדש ועשית מעקה לגגך ולא תשים דמים בביתך כי יפל הנפל ממנו
דברים 22 : 9 (ALEP)
ט לא תזרע כרמך כלאים פן תקדש המלאה הזרע אשר תזרע ותבואת הכרם {ס}
דברים 22 : 10 (ALEP)
י לא תחרש בשור ובחמר יחדו
דברים 22 : 11 (ALEP)
יא לא תלבש שעטנז צמר ופשתים יחדו {ס}
דברים 22 : 12 (ALEP)
יב גדלים תעשה לך על ארבע כנפות כסותך אשר תכסה בה {ס}
דברים 22 : 13 (ALEP)
יג כי יקח איש אשה ובא אליה ושנאה
דברים 22 : 14 (ALEP)
יד ושם לה עלילת דברים והוצא עליה שם רע ואמר את האשה הזאת לקחתי ואקרב אליה ולא מצאתי לה בתולים
דברים 22 : 15 (ALEP)
טו ולקח אבי הנער ואמה והוציאו את בתולי הנער אל זקני העיר--השערה
דברים 22 : 16 (ALEP)
טז ואמר אבי הנער אל הזקנים את בתי נתתי לאיש הזה לאשה--וישנאה
דברים 22 : 17 (ALEP)
יז והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר
דברים 22 : 18 (ALEP)
יח ולקחו זקני העיר ההוא את האיש ויסרו אתו
דברים 22 : 19 (ALEP)
יט וענשו אתו מאה כסף ונתנו לאבי הנערה--כי הוציא שם רע על בתולת ישראל ולו תהיה לאשה לא יוכל לשלחה כל ימיו {ס}
דברים 22 : 20 (ALEP)
כ ואם אמת היה הדבר הזה לא נמצאו בתולים לנער
דברים 22 : 21 (ALEP)
כא והוציאו את הנער אל פתח בית אביה וסקלוה אנשי עירה באבנים ומתה--כי עשתה נבלה בישראל לזנות בית אביה ובערת הרע מקרבך {ס}
דברים 22 : 22 (ALEP)
כב כי ימצא איש שכב עם אשה בעלת בעל ומתו גם שניהם--האיש השכב עם האשה והאשה ובערת הרע מישראל {ס}
דברים 22 : 23 (ALEP)
כג כי יהיה נער בתולה מארשה לאיש ומצאה איש בעיר ושכב עמה
דברים 22 : 24 (ALEP)
כד והוצאתם את שניהם אל שער העיר ההוא וסקלתם אתם באבנים ומתו--את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך {ס}
דברים 22 : 25 (ALEP)
כה ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה--לבדו
דברים 22 : 26 (ALEP)
כו ולנער לא תעשה דבר אין לנער חטא מות כי כאשר יקום איש על רעהו ורצחו נפש--כן הדבר הזה
דברים 22 : 27 (ALEP)
כז כי בשדה מצאה צעקה הנער המארשה ואין מושיע לה {ס}
דברים 22 : 28 (ALEP)
כח כי ימצא איש נער בתולה אשר לא ארשה ותפשה ושכב עמה ונמצאו
דברים 22 : 29 (ALEP)
כט ונתן האיש השכב עמה לאבי הנער--חמשים כסף ולו תהיה לאשה תחת אשר ענה--לא יוכל שלחה כל ימיו {ס}
❮
❯