שמואל ב 7 : 1 (ALEP)
א ויהי כי ישב המלך בביתו ויהוה הניח לו מסביב מכל איביו
שמואל ב 7 : 2 (ALEP)
ב ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה
שמואל ב 7 : 3 (ALEP)
ג ויאמר נתן אל המלך כל אשר בלבבך לך עשה כי יהוה עמך
שמואל ב 7 : 4 (ALEP)
ד ויהי בלילה ההוא ס ויהי דבר יהוה אל נתן לאמר
שמואל ב 7 : 5 (ALEP)
ה לך ואמרת אל עבדי אל דוד ס כה אמר יהוה האתה תבנה לי בית לשבתי
שמואל ב 7 : 6 (ALEP)
ו כי לא ישבתי בבית למיום העלתי את בני ישראל ממצרים ועד היום הזה ואהיה מתהלך באהל ובמשכן
שמואל ב 7 : 7 (ALEP)
ז בכל אשר התהלכתי בכל בני ישראל הדבר דברתי את אחד שבטי ישראל אשר צויתי לרעות את עמי את ישראל לאמר למה לא בניתם לי בית ארזים
שמואל ב 7 : 8 (ALEP)
ח ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן--להיות נגיד על עמי על ישראל
שמואל ב 7 : 9 (ALEP)
ט ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ
שמואל ב 7 : 10 (ALEP)
י ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה
שמואל ב 7 : 11 (ALEP)
יא ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה
שמואל ב 7 : 12 (ALEP)
יב כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו
שמואל ב 7 : 13 (ALEP)
יג הוא יבנה בית לשמי וכננתי את כסא ממלכתו עד עולם
שמואל ב 7 : 14 (ALEP)
יד אני אהיה לו לאב והוא יהיה לי לבן--אשר בהעותו והכחתיו בשבט אנשים ובנגעי בני אדם
שמואל ב 7 : 15 (ALEP)
טו וחסדי לא יסור ממנו כאשר הסרתי מעם שאול אשר הסרתי מלפניך
שמואל ב 7 : 16 (ALEP)
טז ונאמן ביתך וממלכתך עד עולם לפניך כסאך יהיה נכון עד עולם
שמואל ב 7 : 17 (ALEP)
יז ככל הדברים האלה וככל החזיון הזה--כן דבר נתן אל דוד פ
שמואל ב 7 : 18 (ALEP)
יח ויבא המלך דוד וישב לפני יהוה ויאמר מי אנכי אדני יהוה ומי ביתי--כי הבאתני עד הלם
שמואל ב 7 : 19 (ALEP)
יט ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה
שמואל ב 7 : 20 (ALEP)
כ ומה יוסיף דוד עוד לדבר אליך ואתה ידעת את עבדך אדני יהוה
שמואל ב 7 : 21 (ALEP)
כא בעבור דברך וכלבך עשית את כל הגדולה הזאת--להודיע את עבדך
שמואל ב 7 : 22 (ALEP)
כב על כן גדלת יהוה אלהים כי אין כמוך ואין אלהים זולתך בכל אשר שמענו באזנינו
שמואל ב 7 : 23 (ALEP)
כג ומי כעמך כישראל גוי אחד בארץ--אשר הלכו אלהים לפדות לו לעם ולשום לו שם ולעשות לכם הגדולה ונראות לארצך מפני עמך אשר פדית לך ממצרים גוים ואלהיו
שמואל ב 7 : 24 (ALEP)
כד ותכונן לך את עמך ישראל לך לעם--עד עולם ואתה יהוה היית להם לאלהים ס
שמואל ב 7 : 25 (ALEP)
כה ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברת
שמואל ב 7 : 26 (ALEP)
כו ויגדל שמך עד עולם לאמר יהוה צבאות אלהים על ישראל ובית עבדך דוד יהיה נכון לפניך
שמואל ב 7 : 27 (ALEP)
כז כי אתה יהוה צבאות אלהי ישראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת
שמואל ב 7 : 28 (ALEP)
כח ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת
שמואל ב 7 : 29 (ALEP)
כט ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם פ
❮
❯