שמואל ב 10 : 1 (ALEP)
א ויהי אחרי כן וימת מלך בני עמון וימלך חנון בנו תחתיו
שמואל ב 10 : 2 (ALEP)
ב ויאמר דוד אעשה חסד עם חנון בן נחש כאשר עשה אביו עמדי חסד וישלח דוד לנחמו ביד עבדיו אל אביו ויבאו עבדי דוד ארץ בני עמון
שמואל ב 10 : 3 (ALEP)
ג ויאמרו שרי בני עמון אל חנון אדניהם המכבד דוד את אביך בעיניך--כי שלח לך מנחמים הלוא בעבור חקר את העיר ולרגלה ולהפכה שלח דוד את עבדיו אליך
שמואל ב 10 : 4 (ALEP)
ד ויקח חנון את עבדי דוד ויגלח את חצי זקנם ויכרת את מדויהם בחצי עד שתותיהם וישלחם
שמואל ב 10 : 5 (ALEP)
ה ויגדו לדוד וישלח לקראתם כי היו האנשים נכלמים מאד ויאמר המלך שבו בירחו עד יצמח זקנכם ושבתם
שמואל ב 10 : 6 (ALEP)
ו ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף איש
שמואל ב 10 : 7 (ALEP)
ז וישמע דוד וישלח את יואב ואת כל הצבא הגברים
שמואל ב 10 : 8 (ALEP)
ח ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדה
שמואל ב 10 : 9 (ALEP)
ט וירא יואב כי היתה אליו פני המלחמה מפנים ומאחור ויבחר מכל בחורי בישראל (ישראל) ויערך לקראת ארם
שמואל ב 10 : 10 (ALEP)
י ואת יתר העם נתן ביד אבשי אחיו ויערך לקראת בני עמון
שמואל ב 10 : 11 (ALEP)
יא ויאמר אם תחזק ארם ממני--והיתה לי לישועה ואם בני עמון יחזקו ממך והלכתי להושיע לך
שמואל ב 10 : 12 (ALEP)
יב חזק ונתחזק בעד עמנו ובעד ערי אלהינו ויהוה יעשה הטוב בעיניו
שמואל ב 10 : 13 (ALEP)
יג ויגש יואב והעם אשר עמו למלחמה בארם וינסו מפניו
שמואל ב 10 : 14 (ALEP)
יד ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלם
שמואל ב 10 : 15 (ALEP)
טו וירא ארם כי נגף לפני ישראל ויאספו יחד
שמואל ב 10 : 16 (ALEP)
טז וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהם ס
שמואל ב 10 : 17 (ALEP)
יז ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמו
שמואל ב 10 : 18 (ALEP)
יח וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שם
שמואל ב 10 : 19 (ALEP)
יט ויראו כל המלכים עבדי הדדעזר כי נגפו לפני ישראל וישלמו את ישראל ויעבדום ויראו ארם להושיע עוד את בני עמון פ
❮
❯
1
2
3
4
5
6
7
8
9
10
11
12
13
14
15
16
17
18
19