דברי הימים ב 4 : 1 (ALEP)
א ויעש מזבח נחשת--עשרים אמה ארכו ועשרים אמה רחבו ועשר אמות קומתו ס
דברי הימים ב 4 : 2 (ALEP)
ב ויעש את הים מוצק עשר באמה משפתו אל שפתו עגול סביב וחמש באמה קומתו וקו שלשים באמה יסב אתו סביב
דברי הימים ב 4 : 3 (ALEP)
ג ודמות בקרים תחת לו סביב סביב סובבים אתו עשר באמה מקיפים את הים סביב שנים טורים הבקר יצוקים במצקתו
דברי הימים ב 4 : 4 (ALEP)
ד עומד על שנים עשר בקר שלשה פנים צפונה ושלושה פנים ימה ושלשה פנים נגבה ושלשה פנים מזרחה והים עליהם מלמעלה וכל אחריהם ביתה
דברי הימים ב 4 : 5 (ALEP)
ה ועביו טפח--ושפתו כמעשה שפת כוס פרח שושנה מחזיק בתים שלשת אלפים יכיל ס
דברי הימים ב 4 : 6 (ALEP)
ו ויעש כיורים עשרה ויתן חמשה מימין וחמשה משמאול לרחצה בהם את מעשה העולה ידיחו בם והים לרחצה לכהנים בו ס
דברי הימים ב 4 : 7 (ALEP)
ז ויעש את מנרות הזהב עשר--כמשפטם ויתן בהיכל חמש מימין וחמש משמאול ס
דברי הימים ב 4 : 8 (ALEP)
ח ויעש שלחנות עשרה וינח בהיכל חמשה מימין וחמשה משמאול ויעש מזרקי זהב מאה ס
דברי הימים ב 4 : 9 (ALEP)
ט ויעש חצר הכהנים והעזרה הגדולה ודלתות לעזרה ודלתותיהם צפה נחשת
דברי הימים ב 4 : 10 (ALEP)
י ואת הים נתן מכתף הימנית קדמה--ממול נגבה
דברי הימים ב 4 : 11 (ALEP)
יא ויעש חורם--את הסירות ואת היעים ואת המזרקות ויכל חירם (חורם) לעשות את המלאכה אשר עשה למלך שלמה בבית האלהים
דברי הימים ב 4 : 12 (ALEP)
יב עמודים שנים והגלות והכתרות על ראש העמודים שתים והשבכות שתים--לכסות את שתי גלות הכתרות אשר על ראש העמודים
דברי הימים ב 4 : 13 (ALEP)
יג ואת הרמונים ארבע מאות לשתי השבכות שנים טורים רמונים לשבכה האחת--לכסות את שתי גלות הכתרות אשר על פני העמודים
דברי הימים ב 4 : 14 (ALEP)
יד ואת המכנות עשה ואת הכירות עשה על המכנות
דברי הימים ב 4 : 15 (ALEP)
טו את הים אחד ואת הבקר שנים עשר תחתיו
דברי הימים ב 4 : 16 (ALEP)
טז ואת הסירות ואת היעים ואת המזלגות ואת כל כליהם עשה חורם אביו למלך שלמה לבית יהוה--נחשת מרוק
דברי הימים ב 4 : 17 (ALEP)
יז בככר הירדן יצקם המלך בעבי האדמה בין סכות ובין צרדתה
דברי הימים ב 4 : 18 (ALEP)
יח ויעש שלמה כל הכלים האלה לרב מאד כי לא נחקר משקל הנחשת ס
דברי הימים ב 4 : 19 (ALEP)
יט ויעש שלמה--את כל הכלים אשר בית האלהים ואת מזבח הזהב ואת השלחנות ועליהם לחם הפנים
דברי הימים ב 4 : 20 (ALEP)
כ ואת המנרות ונרתיהם לבערם כמשפט לפני הדביר--זהב סגור
דברי הימים ב 4 : 21 (ALEP)
כא והפרח והנרות והמלקחים זהב הוא מכלות זהב
דברי הימים ב 4 : 22 (ALEP)
כב והמזמרות והמזרקות והכפות והמחתות זהב סגור ופתח הבית דלתותיו הפנימיות לקדש הקדשים ודלתי הבית להיכל--זהב
❮
❯