דברי הימים ב 18 : 1 (ALEP)
א ויהי ליהושפט עשר וכבוד לרב ויתחתן לאחאב
דברי הימים ב 18 : 2 (ALEP)
ב וירד לקץ שנים אל אחאב לשמרון ויזבח לו אחאב צאן ובקר לרב ולעם אשר עמו ויסיתהו לעלות אל רמת גלעד
דברי הימים ב 18 : 3 (ALEP)
ג ויאמר אחאב מלך ישראל אל יהושפט מלך יהודה התלך עמי רמת גלעד ויאמר לו כמוני כמוך וכעמך עמי--ועמך במלחמה
דברי הימים ב 18 : 4 (ALEP)
ד ויאמר יהושפט אל מלך ישראל דרש נא כיום את דבר יהוה
דברי הימים ב 18 : 5 (ALEP)
ה ויקבץ מלך ישראל את הנבאים ארבע מאות איש ויאמר אלהם הנלך אל רמת גלעד למלחמה אם אחדל ויאמרו עלה ויתן האלהים ביד המלך
דברי הימים ב 18 : 6 (ALEP)
ו ויאמר יהושפט האין פה נביא ליהוה עוד ונדרשה מאתו
דברי הימים ב 18 : 7 (ALEP)
ז ויאמר מלך ישראל אל יהושפט עוד איש אחד לדרוש את יהוה מאתו ואני שנאתיהו כי איננו מתנבא עלי לטובה כי כל ימיו לרעה--הוא מיכיהו בן ימלא ויאמר יהושפט אל יאמר המלך כן
דברי הימים ב 18 : 8 (ALEP)
ח ויקרא מלך ישראל אל סריס אחד ויאמר מהר מיכהו (מיכיהו) בן ימלא
דברי הימים ב 18 : 9 (ALEP)
ט ומלך ישראל ויהושפט מלך יהודה יושבים איש על כסאו מלבשים בגדים וישבים בגרן--פתח שער שמרון וכל הנביאים--מתנבאים לפניהם
דברי הימים ב 18 : 10 (ALEP)
י ויעש לו צדקיהו בן כנענה קרני ברזל ויאמר כה אמר יהוה באלה תנגח את ארם עד כלותם
דברי הימים ב 18 : 11 (ALEP)
יא וכל הנבאים--נבאים כן לאמר עלה רמת גלעד והצלח ונתן יהוה ביד המלך
דברי הימים ב 18 : 12 (ALEP)
יב והמלאך אשר הלך לקרא למיכיהו דבר אליו לאמר הנה דברי הנבאים פה אחד טוב אל המלך ויהי נא דברך כאחד מהם ודברת טוב
דברי הימים ב 18 : 13 (ALEP)
יג ויאמר מיכיהו חי יהוה--כי את אשר יאמר אלהי אתו אדבר
דברי הימים ב 18 : 14 (ALEP)
יד ויבא אל המלך ויאמר המלך אליו מיכה הנלך אל רמת גלעד למלחמה אם אחדל ויאמר עלו והצליחו וינתנו בידכם
דברי הימים ב 18 : 15 (ALEP)
טו ויאמר אליו המלך עד כמה פעמים אני משביעך אשר לא תדבר אלי רק אמת--בשם יהוה
דברי הימים ב 18 : 16 (ALEP)
טז ויאמר ראיתי את כל ישראל נפוצים על ההרים--כצאן אשר אין להן רעה ויאמר יהוה לא אדנים לאלה ישובו איש לביתו בשלום
דברי הימים ב 18 : 17 (ALEP)
יז ויאמר מלך ישראל אל יהושפט הלא אמרתי אליך לא יתנבא עלי טוב כי אם לרע ס
דברי הימים ב 18 : 18 (ALEP)
יח ויאמר לכן שמעו דבר יהוה ראיתי את יהוה יושב על כסאו וכל צבא השמים עמדים על ימינו ושמאלו
דברי הימים ב 18 : 19 (ALEP)
יט ויאמר יהוה מי יפתה את אחאב מלך ישראל ויעל ויפל ברמות גלעד ויאמר--זה אמר ככה וזה אמר ככה
דברי הימים ב 18 : 20 (ALEP)
כ ויצא הרוח ויעמד לפני יהוה ויאמר אני אפתנו ויאמר יהוה אליו במה
דברי הימים ב 18 : 21 (ALEP)
כא ויאמר אצא והייתי לרוח שקר בפי כל נביאיו ויאמר תפתה וגם תוכל--צא ועשה כן
דברי הימים ב 18 : 22 (ALEP)
כב ועתה הנה נתן יהוה רוח שקר בפי נביאיך אלה ויהוה דבר עליך רעה ס
דברי הימים ב 18 : 23 (ALEP)
כג ויגש צדקיהו בן כנענה ויך את מיכיהו על הלחי ויאמר אי זה הדרך עבר רוח יהוה מאתי--לדבר אתך
דברי הימים ב 18 : 24 (ALEP)
כד ויאמר מיכיהו הנך ראה ביום ההוא אשר תבוא חדר בחדר להחבא
דברי הימים ב 18 : 25 (ALEP)
כה ויאמר מלך ישראל קחו את מיכיהו והשיבהו אל אמון שר העיר--ואל יואש בן המלך
דברי הימים ב 18 : 26 (ALEP)
כו ואמרתם כה אמר המלך שימו זה בית הכלא והאכלהו לחם לחץ ומים לחץ עד שובי בשלום
דברי הימים ב 18 : 27 (ALEP)
כז ויאמר מיכיהו--אם שוב תשוב בשלום לא דבר יהוה בי ויאמר שמעו עמים כלם
דברי הימים ב 18 : 28 (ALEP)
כח ויעל מלך ישראל ויהושפט מלך יהודה אל רמת גלעד
דברי הימים ב 18 : 29 (ALEP)
כט ויאמר מלך ישראל אל יהושפט התחפש ובוא במלחמה ואתה לבש בגדיך ויתחפש מלך ישראל ויבאו במלחמה
דברי הימים ב 18 : 30 (ALEP)
ל ומלך ארם צוה את שרי הרכב אשר לו לאמר לא תלחמו את הקטן את הגדול כי אם את מלך ישראל לבדו
דברי הימים ב 18 : 31 (ALEP)
לא ויהי כראות שרי הרכב את יהושפט והמה אמרו מלך ישראל הוא ויסבו עליו להלחם ויזעק יהושפט ויהוה עזרו ויסיתם אלהים ממנו
דברי הימים ב 18 : 32 (ALEP)
לב ויהי כראות שרי הרכב כי לא היה מלך ישראל--וישובו מאחריו
דברי הימים ב 18 : 33 (ALEP)
לג ואיש משך בקשת לתמו ויך את מלך ישראל בין הדבקים ובין השרין ויאמר לרכב הפך ידיך (ידך) והוצאתני מן המחנה--כי החליתי
דברי הימים ב 18 : 34 (ALEP)
לד ותעל המלחמה ביום ההוא ומלך ישראל היה מעמיד במרכבה נכח ארם עד הערב וימת לעת בוא השמש
❮
❯