דברי הימים ב 17 : 1 (ALEP)
א וימלך יהושפט בנו תחתיו ויתחזק על ישראל
דברי הימים ב 17 : 2 (ALEP)
ב ויתן חיל--בכל ערי יהודה הבצרות ויתן נציבים בארץ יהודה ובערי אפרים אשר לכד אסא אביו
דברי הימים ב 17 : 3 (ALEP)
ג ויהי יהוה עם יהושפט כי הלך בדרכי דויד אביו הראשנים ולא דרש לבעלים
דברי הימים ב 17 : 4 (ALEP)
ד כי לאלהי אביו דרש ובמצותיו הלך ולא כמעשה ישראל
דברי הימים ב 17 : 5 (ALEP)
ה ויכן יהוה את הממלכה בידו ויתנו כל יהודה מנחה ליהושפט ויהי לו עשר וכבוד לרב
דברי הימים ב 17 : 6 (ALEP)
ו ויגבה לבו בדרכי יהוה ועוד הסיר את הבמות ואת האשרים--מיהודה פ
דברי הימים ב 17 : 7 (ALEP)
ז ובשנת שלוש למלכו שלח לשריו לבן חיל ולעבדיה ולזכריה ולנתנאל ולמיכיהו--ללמד בערי יהודה
דברי הימים ב 17 : 8 (ALEP)
ח ועמהם הלוים שמעיהו ונתניהו וזבדיהו ועשהאל ושמרימות (ושמירמות) ויהונתן ואדניהו וטוביהו וטוב אדוניה--הלוים ועמהם אלישמע ויהורם הכהנים
דברי הימים ב 17 : 9 (ALEP)
ט וילמדו ביהודה ועמהם ספר תורת יהוה ויסבו בכל ערי יהודה וילמדו בעם
דברי הימים ב 17 : 10 (ALEP)
י ויהי פחד יהוה על כל ממלכות הארצות אשר סביבות יהודה ולא נלחמו עם יהושפט
דברי הימים ב 17 : 11 (ALEP)
יא ומן פלשתים מביאים ליהושפט מנחה--וכסף משא גם הערביאים מביאים לו צאן אילים שבעת אלפים ושבע מאות ותישים שבעת אלפים ושבע מאות פ
דברי הימים ב 17 : 12 (ALEP)
יב ויהי יהושפט הלך וגדל עד למעלה ויבן ביהודה בירניות וערי מסכנות
דברי הימים ב 17 : 13 (ALEP)
יג ומלאכה רבה היה לו בערי יהודה ואנשי מלחמה גבורי חיל בירושלם
דברי הימים ב 17 : 14 (ALEP)
יד ואלה פקדתם לבית אבותיהם ליהודה שרי אלפים-- ס עדנה השר ועמו גבורי חיל שלש מאות אלף ס
דברי הימים ב 17 : 15 (ALEP)
טו ועל ידו יהוחנן השר ועמו מאתים ושמונים אלף ס
דברי הימים ב 17 : 16 (ALEP)
טז ועל ידו עמסיה בן זכרי המתנדב ליהוה ועמו מאתים אלף גבור חיל ס
דברי הימים ב 17 : 17 (ALEP)
יז ומן בנימן--גבור חיל אלידע ועמו נשקי קשת ומגן מאתים אלף ס
דברי הימים ב 17 : 18 (ALEP)
יח ועל ידו יהוזבד ועמו מאה ושמונים אלף חלוצי צבא ס
דברי הימים ב 17 : 19 (ALEP)
יט אלה המשרתים את המלך מלבד אשר נתן המלך בערי המבצר--בכל יהודה פ
❮
❯