דברי הימים ב 14 : 1 (ALEP)
א ויעש אסא הטוב והישר בעיני יהוה אלהיו
דברי הימים ב 14 : 2 (ALEP)
ב ויסר את מזבחות הנכר והבמות וישבר את המצבות ויגדע את האשרים
דברי הימים ב 14 : 3 (ALEP)
ג ויאמר ליהודה לדרוש את יהוה אלהי אבותיהם--ולעשות התורה והמצוה
דברי הימים ב 14 : 4 (ALEP)
ד ויסר מכל ערי יהודה את הבמות ואת החמנים ותשקט הממלכה לפניו
דברי הימים ב 14 : 5 (ALEP)
ה ויבן ערי מצורה ביהודה כי שקטה הארץ ואין עמו מלחמה בשנים האלה--כי הניח יהוה לו
דברי הימים ב 14 : 6 (ALEP)
ו ויאמר ליהודה נבנה את הערים האלה ונסב חומה ומגדלים דלתים ובריחים עודנו הארץ לפנינו כי דרשנו את יהוה אלהינו דרשנו וינח לנו מסביב ויבנו ויצליחו פ
דברי הימים ב 14 : 7 (ALEP)
ז ויהי לאסא חיל נשא צנה ורמח מיהודה שלש מאות אלף ס ומבנימן נשאי מגן ודרכי קשת מאתים ושמונים אלף כל אלה גבורי חיל
דברי הימים ב 14 : 8 (ALEP)
ח ויצא אליהם זרח הכושי בחיל אלף אלפים ומרכבות שלש מאות ויבא עד מרשה
דברי הימים ב 14 : 9 (ALEP)
ט ויצא אסא לפניו ויערכו מלחמה בגיא צפתה למרשה
דברי הימים ב 14 : 10 (ALEP)
י ויקרא אסא אל יהוה אלהיו ויאמר יהוה אין עמך לעזר בין רב לאין כח עזרנו יהוה אלהינו כי עליך נשענו ובשמך באנו על ההמון הזה יהוה אלהינו אתה אל יעצר עמך אנוש ס
דברי הימים ב 14 : 11 (ALEP)
יא ויגף יהוה את הכושים לפני אסא ולפני יהודה וינסו הכושים
דברי הימים ב 14 : 12 (ALEP)
יב וירדפם אסא והעם אשר עמו עד לגרר ויפל מכושים לאין להם מחיה כי נשברו לפני יהוה ולפני מחנהו וישאו שלל הרבה מאד
דברי הימים ב 14 : 13 (ALEP)
יג ויכו את כל הערים סביבות גרר--כי היה פחד יהוה עליהם ויבזו את כל הערים כי בזה רבה היתה בהם
דברי הימים ב 14 : 14 (ALEP)
יד וגם אהלי מקנה הכו וישבו צאן לרב וגמלים וישבו ירושלם ס
❮
❯