דברי הימים ב 13 : 1 (ALEP)
א בשנת שמונה עשרה למלך ירבעם וימלך אביה על יהודה
דברי הימים ב 13 : 2 (ALEP)
ב שלוש שנים מלך בירושלם ושם אמו מיכיהו בת אוריאל מן גבעה ומלחמה היתה בין אביה ובין ירבעם
דברי הימים ב 13 : 3 (ALEP)
ג ויאסר אביה את המלחמה בחיל גבורי מלחמה ארבע מאות אלף איש בחור ס וירבעם ערך עמו מלחמה בשמונה מאות אלף איש בחור גבור חיל ס
דברי הימים ב 13 : 4 (ALEP)
ד ויקם אביה מעל להר צמרים אשר בהר אפרים ויאמר שמעוני ירבעם וכל ישראל
דברי הימים ב 13 : 5 (ALEP)
ה הלא לכם לדעת כי יהוה אלהי ישראל נתן ממלכה לדויד על ישראל לעולם לו ולבניו ברית מלח פ
דברי הימים ב 13 : 6 (ALEP)
ו ויקם ירבעם בן נבט עבד שלמה בן דויד וימרד על אדניו
דברי הימים ב 13 : 7 (ALEP)
ז ויקבצו עליו אנשים רקים בני בליעל ויתאמצו על רחבעם בן שלמה ורחבעם היה נער ורך לבב ולא התחזק לפניהם
דברי הימים ב 13 : 8 (ALEP)
ח ועתה אתם אמרים להתחזק לפני ממלכת יהוה ביד בני דויד ואתם המון רב ועמכם עגלי זהב אשר עשה לכם ירבעם לאלהים
דברי הימים ב 13 : 9 (ALEP)
ט הלא הדחתם את כהני יהוה את בני אהרן והלוים ותעשו לכם כהנים כעמי הארצות--כל הבא למלא ידו בפר בן בקר ואילם שבעה והיה כהן ללא אלהים ס
דברי הימים ב 13 : 10 (ALEP)
י ואנחנו יהוה אלהינו ולא עזבנהו וכהנים משרתים ליהוה בני אהרן והלוים במלאכת
דברי הימים ב 13 : 11 (ALEP)
יא ומקטרים ליהוה עלות בבקר בבקר ובערב בערב וקטרת סמים ומערכת לחם על השלחן הטהור ומנורת הזהב ונרתיה לבער בערב בערב--כי שמרים אנחנו את משמרת יהוה אלהינו ואתם עזבתם אתו
דברי הימים ב 13 : 12 (ALEP)
יב והנה עמנו בראש האלהים וכהניו וחצצרות התרועה--להריע עליכם בני ישראל אל תלחמו עם יהוה אלהי אבתיכם--כי לא תצליחו
דברי הימים ב 13 : 13 (ALEP)
יג וירבעם הסב את המארב לבוא מאחריהם ויהיו לפני יהודה והמארב מאחריהם
דברי הימים ב 13 : 14 (ALEP)
יד ויפנו יהודה והנה להם המלחמה פנים ואחור ויצעקו ליהוה והכהנים מחצצרים (מחצרים) בחצצרות
דברי הימים ב 13 : 15 (ALEP)
טו ויריעו איש יהודה ויהי בהריע איש יהודה והאלהים נגף את ירבעם וכל ישראל לפני אביה ויהודה
דברי הימים ב 13 : 16 (ALEP)
טז וינוסו בני ישראל מפני יהודה ויתנם אלהים בידם
דברי הימים ב 13 : 17 (ALEP)
יז ויכו בהם אביה ועמו מכה רבה ויפלו חללים מישראל חמש מאות אלף איש בחור
דברי הימים ב 13 : 18 (ALEP)
יח ויכנעו בני ישראל בעת ההיא ויאמצו בני יהודה כי נשענו על יהוה אלהי אבותיהם
דברי הימים ב 13 : 19 (ALEP)
יט וירדף אביה אחרי ירבעם וילכד ממנו ערים את בית אל ואת בנותיה ואת ישנה ואת בנותיה ואת עפרון (עפרין) ובנתיה
דברי הימים ב 13 : 20 (ALEP)
כ ולא עצר כח ירבעם עוד בימי אביהו ויגפהו יהוה וימת פ
דברי הימים ב 13 : 21 (ALEP)
כא ויתחזק אביהו--וישא לו נשים ארבע עשרה ויולד עשרים ושנים בנים ושש עשרה בנות
דברי הימים ב 13 : 22 (ALEP)
כב ויתר דברי אביה ודרכיו ודבריו--כתובים במדרש הנביא עדו [ ( ) כג וישכב אביה עם אבתיו ויקברו אתו בעיר דויד וימלך אסא בנו תחתיו בימיו שקטה הארץ עשר שנים פ ]
❮
❯