דברי הימים ב 12 : 1 (ALEP)
א ויהי כהכין מלכות רחבעם וכחזקתו עזב את תורת יהוה וכל ישראל עמו פ
דברי הימים ב 12 : 2 (ALEP)
ב ויהי בשנה החמישית למלך רחבעם עלה שישק מלך מצרים על ירושלם כי מעלו ביהוה
דברי הימים ב 12 : 3 (ALEP)
ג באלף ומאתים רכב ובששים אלף פרשים ואין מספר לעם אשר באו עמו ממצרים--לובים סכיים וכושים
דברי הימים ב 12 : 4 (ALEP)
ד וילכד את ערי המצרות אשר ליהודה ויבא עד ירושלם ס
דברי הימים ב 12 : 5 (ALEP)
ה ושמעיה הנביא בא אל רחבעם ושרי יהודה אשר נאספו אל ירושלם מפני שישק ויאמר להם כה אמר יהוה אתם עזבתם אתי ואף אני עזבתי אתכם ביד שישק
דברי הימים ב 12 : 6 (ALEP)
ו ויכנעו שרי ישראל והמלך ויאמרו צדיק יהוה
דברי הימים ב 12 : 7 (ALEP)
ז ובראות יהוה כי נכנעו היה דבר יהוה אל שמעיה לאמר נכנעו לא אשחיתם ונתתי להם כמעט לפליטה ולא תתך חמתי בירושלם ביד שישק
דברי הימים ב 12 : 8 (ALEP)
ח כי יהיו לו לעבדים וידעו עבודתי ועבודת ממלכות הארצות ס
דברי הימים ב 12 : 9 (ALEP)
ט ויעל שישק מלך מצרים על ירושלם ויקח את אצרות בית יהוה ואת אצרות בית המלך את הכל לקח ויקח את מגני הזהב אשר עשה שלמה
דברי הימים ב 12 : 10 (ALEP)
י ויעש המלך רחבעם תחתיהם מגני נחשת והפקיד על יד שרי הרצים השמרים פתח בית המלך
דברי הימים ב 12 : 11 (ALEP)
יא ויהי מדי בוא המלך בית יהוה באו הרצים ונשאום והשבום אל תא הרצים
דברי הימים ב 12 : 12 (ALEP)
יב ובהכנעו שב ממנו אף יהוה ולא להשחית לכלה וגם ביהודה היה דברים טובים ס
דברי הימים ב 12 : 13 (ALEP)
יג ויתחזק המלך רחבעם בירושלם--וימלך כי בן ארבעים ואחת שנה רחבעם במלכו ושבע עשרה שנה מלך בירושלם העיר אשר בחר יהוה לשום את שמו שם מכל שבטי ישראל ושם אמו נעמה העמנית
דברי הימים ב 12 : 14 (ALEP)
יד ויעש הרע כי לא הכין לבו לדרוש את יהוה ס
דברי הימים ב 12 : 15 (ALEP)
טו ודברי רחבעם הראשנים והאחרונים--הלא הם כתובים בדברי שמעיה הנביא ועדו החזה להתיחש ומלחמות רחבעם וירבעם כל הימים
דברי הימים ב 12 : 16 (ALEP)
טז וישכב רחבעם עם אבתיו ויקבר בעיר דויד וימלך אביה בנו תחתיו פ
❮
❯