דברי הימים ב 10 : 1 (ALEP)
א וילך רחבעם שכמה כי שכם באו כל ישראל להמליך אתו
דברי הימים ב 10 : 2 (ALEP)
ב ויהי כשמע ירבעם בן נבט והוא במצרים אשר ברח מפני שלמה המלך--וישב ירבעם ממצרים
דברי הימים ב 10 : 3 (ALEP)
ג וישלחו ויקראו לו ויבא ירבעם וכל ישראל וידברו אל רחבעם לאמר
דברי הימים ב 10 : 4 (ALEP)
ד אביך הקשה את עלנו ועתה הקל מעבודת אביך הקשה ומעלו הכבד אשר נתן עלינו--ונעבדך
דברי הימים ב 10 : 5 (ALEP)
ה ויאמר אלהם עוד שלשת ימים--ושובו אלי וילך העם ס
דברי הימים ב 10 : 6 (ALEP)
ו ויועץ המלך רחבעם את הזקנים אשר היו עמדים לפני שלמה אביו בהיתו חי לאמר איך אתם נועצים להשיב לעם הזה דבר
דברי הימים ב 10 : 7 (ALEP)
ז וידברו אליו לאמר אם תהיה לטוב להעם הזה ורציתם ודברת אלהם דברים טובים--והיו לך עבדים כל הימים
דברי הימים ב 10 : 8 (ALEP)
ח ויעזב את עצת הזקנים אשר יעצהו ויועץ את הילדים אשר גדלו אתו העמדים לפניו
דברי הימים ב 10 : 9 (ALEP)
ט ויאמר אלהם מה אתם נועצים ונשיב דבר את העם הזה אשר דברו אלי לאמר הקל מן העל אשר נתן אביך עלינו
דברי הימים ב 10 : 10 (ALEP)
י וידברו אתו הילדים אשר גדלו אתו לאמר כה תאמר לעם אשר דברו אליך לאמר אביך הכביד את עלנו ואתה הקל מעלינו כה תאמר אלהם קטני עבה ממתני אבי
דברי הימים ב 10 : 11 (ALEP)
יא ועתה אבי העמיס עליכם על כבד ואני אסיף על עלכם אבי יסר אתכם בשוטים ואני בעקרבים פ
דברי הימים ב 10 : 12 (ALEP)
יב ויבא ירבעם וכל העם אל רחבעם ביום השלשי כאשר דבר המלך לאמר שובו אלי ביום השלשי
דברי הימים ב 10 : 13 (ALEP)
יג ויענם המלך קשה ויעזב המלך רחבעם את עצת הזקנים
דברי הימים ב 10 : 14 (ALEP)
יד וידבר אלהם כעצת הילדים לאמר אכביד את עלכם ואני אסיף עליו אבי יסר אתכם בשוטים ואני בעקרבים
דברי הימים ב 10 : 15 (ALEP)
טו ולא שמע המלך אל העם כי היתה נסבה מעם האלהים--למען הקים יהוה את דברו אשר דבר ביד אחיהו השלוני אל ירבעם בן נבט
דברי הימים ב 10 : 16 (ALEP)
טז וכל ישראל כי לא שמע המלך להם וישיבו העם את המלך לאמר מה לנו חלק בדויד ולא נחלה בבן ישי איש לאהליך ישראל עתה ראה ביתך דויד וילך כל ישראל לאהליו ס
דברי הימים ב 10 : 17 (ALEP)
יז ובני ישראל הישבים בערי יהודה--וימלך עליהם רחבעם
דברי הימים ב 10 : 18 (ALEP)
יח וישלח המלך רחבעם את הדרם אשר על המס וירגמו בו בני ישראל אבן וימת ס והמלך רחבעם התאמץ לעלות במרכבה לנוס ירושלם ס
דברי הימים ב 10 : 19 (ALEP)
יט ויפשעו ישראל בבית דויד עד היום הזה
❮
❯