שמואל א 21 : 1 (ALEP)
א ויקם וילך ויהונתן בא העיר
שמואל א 21 : 2 (ALEP)
ב ויבא דוד נבה אל אחימלך הכהן ויחרד אחימלך לקראת דוד ויאמר לו מדוע אתה לבדך ואיש אין אתך
שמואל א 21 : 3 (ALEP)
ג ויאמר דוד לאחימלך הכהן המלך צוני דבר ויאמר אלי איש אל ידע מאומה את הדבר אשר אנכי שלחך ואשר צויתך ואת הנערים יודעתי אל מקום פלני אלמוני
שמואל א 21 : 4 (ALEP)
ד ועתה מה יש תחת ידך חמשה לחם--תנה בידי או הנמצא
שמואל א 21 : 5 (ALEP)
ה ויען הכהן את דוד ויאמר אין לחם חל אל תחת ידי כי אם לחם קדש יש אם נשמרו הנערים אך מאשה פ
שמואל א 21 : 6 (ALEP)
ו ויען דוד את הכהן ויאמר לו כי אם אשה עצרה לנו כתמול שלשם בצאתי ויהיו כלי הנערים קדש והוא דרך חל--ואף כי היום יקדש בכלי
שמואל א 21 : 7 (ALEP)
ז ויתן לו הכהן קדש כי לא היה שם לחם כי אם לחם הפנים המוסרים מלפני יהוה לשום לחם חם ביום הלקחו
שמואל א 21 : 8 (ALEP)
ח ושם איש מעבדי שאול ביום ההוא נעצר לפני יהוה ושמו דאג האדמי--אביר הרעים אשר לשאול
שמואל א 21 : 9 (ALEP)
ט ויאמר דוד לאחימלך ואין יש פה תחת ידך חנית או חרב כי גם חרבי וגם כלי לא לקחתי בידי כי היה דבר המלך נחוץ ס
שמואל א 21 : 10 (ALEP)
י ויאמר הכהן חרב גלית הפלשתי אשר הכית בעמק האלה הנה היא לוטה בשמלה אחרי האפוד--אם אתה תקח לך קח כי אין אחרת זולתה בזה ס ויאמר דוד אין כמוה תננה לי
שמואל א 21 : 11 (ALEP)
יא ויקם דוד ויברח ביום ההוא מפני שאול ויבא אל אכיש מלך גת
שמואל א 21 : 12 (ALEP)
יב ויאמרו עבדי אכיש אליו הלוא זה דוד מלך הארץ הלוא לזה יענו במחלות לאמר הכה שאול באלפו ודוד ברבבתו
שמואל א 21 : 13 (ALEP)
יג וישם דוד את הדברים האלה בלבבו וירא מאד מפני אכיש מלך גת
שמואל א 21 : 14 (ALEP)
יד וישנו את טעמו בעיניהם ויתהלל בידם ויתו על דלתות השער ויורד רירו אל זקנו ס
שמואל א 21 : 15 (ALEP)
טו ויאמר אכיש אל עבדיו הנה תראו איש משתגע למה תביאו אתו אלי [ ( ) טז חסר משגעים אני כי הבאתם את זה להשתגע עלי הזה יבוא אל ביתי פ ]
❮
❯
1
2
3
4
5
6
7
8
9
10
11
12
13
14
15