שמואל א 11 : 1 (ALEP)
א ויעל נחש העמוני ויחן על יביש גלעד ויאמרו כל אנשי יביש אל נחש כרת לנו ברית ונעבדך
שמואל א 11 : 2 (ALEP)
ב ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראל
שמואל א 11 : 3 (ALEP)
ג ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך
שמואל א 11 : 4 (ALEP)
ד ויבאו המלאכים גבעת שאול וידברו הדברים באזני העם וישאו כל העם את קולם ויבכו
שמואל א 11 : 5 (ALEP)
ה והנה שאול בא אחרי הבקר מן השדה ויאמר שאול מה לעם כי יבכו ויספרו לו--את דברי אנשי יביש
שמואל א 11 : 6 (ALEP)
ו ותצלח רוח אלהים על שאול בשמעו (כשמעו) את הדברים האלה ויחר אפו מאד
שמואל א 11 : 7 (ALEP)
ז ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד
שמואל א 11 : 8 (ALEP)
ח ויפקדם בבזק ויהיו בני ישראל שלש מאות אלף ואיש יהודה שלשים אלף
שמואל א 11 : 9 (ALEP)
ט ויאמרו למלאכים הבאים כה תאמרון לאיש יביש גלעד מחר תהיה לכם תשועה בחם (כחם) השמש ויבאו המלאכים ויגידו לאנשי יביש--וישמחו
שמואל א 11 : 10 (ALEP)
י ויאמרו אנשי יביש מחר נצא אליכם ועשיתם לנו ככל הטוב בעיניכם ס
שמואל א 11 : 11 (ALEP)
יא ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד
שמואל א 11 : 12 (ALEP)
יב ויאמר העם אל שמואל מי האמר שאול ימלך עלינו תנו האנשים ונמיתם
שמואל א 11 : 13 (ALEP)
יג ויאמר שאול לא יומת איש ביום הזה כי היום עשה יהוה תשועה בישראל
שמואל א 11 : 14 (ALEP)
יד ויאמר שמואל אל העם לכו ונלכה הגלגל ונחדש שם המלוכה
שמואל א 11 : 15 (ALEP)
טו וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאד פ
❮
❯
1
2
3
4
5
6
7
8
9
10
11
12
13
14
15