דברי הימים א 19 : 1 (ALEP)
א ויהי אחרי כן וימת נחש מלך בני עמון וימלך בנו תחתיו
דברי הימים א 19 : 2 (ALEP)
ב ויאמר דויד אעשה חסד עם חנון בן נחש כי עשה אביו עמי חסד וישלח דויד מלאכים לנחמו על אביו ויבאו עבדי דויד אל ארץ בני עמון אל חנון--לנחמו
דברי הימים א 19 : 3 (ALEP)
ג ויאמרו שרי בני עמון לחנון המכבד דויד את אביך בעיניך כי שלח לך מנחמים הלא בעבור לחקר ולהפך ולרגל הארץ באו עבדיו אליך
דברי הימים א 19 : 4 (ALEP)
ד ויקח חנון את עבדי דויד ויגלחם ויכרת את מדויהם בחצי עד המפשעה וישלחם
דברי הימים א 19 : 5 (ALEP)
ה וילכו ויגידו לדויד על האנשים וישלח לקראתם כי היו האנשים נכלמים מאד ויאמר המלך שבו בירחו עד אשר יצמח זקנכם ושבתם ס
דברי הימים א 19 : 6 (ALEP)
ו ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים
דברי הימים א 19 : 7 (ALEP)
ז וישכרו להם שנים ושלשים אלף רכב ואת מלך מעכה ואת עמו ויבאו ויחנו לפני מידבא ס ובני עמון נאספו מעריהם ויבאו למלחמה ס
דברי הימים א 19 : 8 (ALEP)
ח וישמע דויד וישלח את יואב ואת כל צבא הגבורים
דברי הימים א 19 : 9 (ALEP)
ט ויצאו בני עמון ויערכו מלחמה פתח העיר והמלכים אשר באו לבדם בשדה
דברי הימים א 19 : 10 (ALEP)
י וירא יואב כי היתה פני המלחמה אליו--פנים ואחור ויבחר מכל בחור בישראל ויערך לקראת ארם
דברי הימים א 19 : 11 (ALEP)
יא ואת יתר העם נתן ביד אבשי אחיו ויערכו לקראת בני עמון
דברי הימים א 19 : 12 (ALEP)
יב ויאמר אם תחזק ממני ארם--והיית לי לתשועה ס ואם בני עמון יחזקו ממך והושעתיך
דברי הימים א 19 : 13 (ALEP)
יג חזק ונתחזקה בעד עמנו ובעד ערי אלהינו ויהוה הטוב בעיניו יעשה
דברי הימים א 19 : 14 (ALEP)
יד ויגש יואב והעם אשר עמו לפני ארם--למלחמה וינוסו מפניו
דברי הימים א 19 : 15 (ALEP)
טו ובני עמון ראו כי נס ארם וינוסו גם הם מפני אבשי אחיו ויבאו העירה ויבא יואב ירושלם ס
דברי הימים א 19 : 16 (ALEP)
טז וירא ארם כי נגפו לפני ישראל וישלחו מלאכים ויוציאו את ארם אשר מעבר הנהר ושופך שר צבא הדדעזר לפניהם
דברי הימים א 19 : 17 (ALEP)
יז ויגד לדויד ויאסף את כל ישראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו
דברי הימים א 19 : 18 (ALEP)
יח וינס ארם מלפני ישראל ויהרג דויד מארם שבעת אלפים רכב וארבעים אלף איש רגלי ואת שופך שר הצבא המית
דברי הימים א 19 : 19 (ALEP)
יט ויראו עבדי הדדעזר כי נגפו לפני ישראל וישלימו עם דויד ויעבדהו ולא אבה ארם להושיע את בני עמון עוד ס
❮
❯