דברי הימים א 18 : 1 (ALEP)
א ויהי אחרי כן ויך דויד את פלשתים ויכניעם ויקח את גת ובנתיה מיד פלשתים
דברי הימים א 18 : 2 (ALEP)
ב ויך את מואב ויהיו מואב עבדים לדויד נשאי מנחה
דברי הימים א 18 : 3 (ALEP)
ג ויך דויד את הדדעזר מלך צובה חמתה בלכתו להציב ידו בנהר פרת
דברי הימים א 18 : 4 (ALEP)
ד וילכד דויד ממנו אלף רכב ושבעת אלפים פרשים ועשרים אלף איש רגלי ויעקר דויד את כל הרכב ויותר ממנו מאה רכב
דברי הימים א 18 : 5 (ALEP)
ה ויבא ארם דרמשק לעזור להדדעזר מלך צובה ויך דויד בארם עשרים ושנים אלף איש
דברי הימים א 18 : 6 (ALEP)
ו וישם דויד בארם דרמשק ויהי ארם לדויד עבדים נשאי מנחה ויושע יהוה לדויד בכל אשר הלך
דברי הימים א 18 : 7 (ALEP)
ז ויקח דויד את שלטי הזהב אשר היו על עבדי הדדעזר ויביאם ירושלם
דברי הימים א 18 : 8 (ALEP)
ח ומטבחת ומכון ערי הדדעזר לקח דויד נחשת רבה מאד בה עשה שלמה את ים הנחשת ואת העמודים ואת כלי הנחשת פ
דברי הימים א 18 : 9 (ALEP)
ט וישמע תעו מלך חמת כי הכה דויד את כל חיל הדדעזר מלך צובה
דברי הימים א 18 : 10 (ALEP)
י וישלח את הדורם בנו אל המלך דויד לשאול (לשאל) לו לשלום ולברכו על אשר נלחם בהדדעזר ויכהו--כי איש מלחמות תעו היה הדדעזר וכל כלי זהב וכסף--ונחשת
דברי הימים א 18 : 11 (ALEP)
יא גם אתם הקדיש המלך דויד ליהוה עם הכסף והזהב אשר נשא מכל הגוים--מאדום וממואב ומבני עמון ומפלשתים ומעמלק
דברי הימים א 18 : 12 (ALEP)
יב ואבשי בן צרויה הכה את אדום בגיא המלח שמונה עשר אלף
דברי הימים א 18 : 13 (ALEP)
יג וישם באדום נציבים ויהיו כל אדום עבדים לדויד ויושע יהוה את דויד בכל אשר הלך
דברי הימים א 18 : 14 (ALEP)
יד וימלך דויד על כל ישראל ויהי עשה משפט וצדקה--לכל עמו
דברי הימים א 18 : 15 (ALEP)
טו ויואב בן צרויה על הצבא ויהושפט בן אחילוד מזכיר
דברי הימים א 18 : 16 (ALEP)
טז וצדוק בן אחיטוב ואבימלך בן אביתר כהנים ושושא סופר
דברי הימים א 18 : 17 (ALEP)
יז ובניהו בן יהוידע על הכרתי והפלתי ובני דויד הראשנים ליד המלך פ
❮
❯