דברי הימים א 16 : 1 (ALEP)
א ויביאו את ארון האלהים ויציגו אתו בתוך האהל אשר נטה לו דויד ויקריבו עלות ושלמים לפני האלהים
דברי הימים א 16 : 2 (ALEP)
ב ויכל דויד מהעלות העלה והשלמים ויברך את העם בשם יהוה
דברי הימים א 16 : 3 (ALEP)
ג ויחלק לכל איש ישראל מאיש ועד אשה--לאיש ככר לחם ואשפר ואשישה
דברי הימים א 16 : 4 (ALEP)
ד ויתן לפני ארון יהוה מן הלוים--משרתים ולהזכיר ולהודות ולהלל ליהוה אלהי ישראל ס
דברי הימים א 16 : 5 (ALEP)
ה אסף הראש ומשנהו זכריה יעיאל ושמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משמיע
דברי הימים א 16 : 6 (ALEP)
ו ובניהו ויחזיאל הכהנים--בחצצרות תמיד לפני ארון ברית האלהים
דברי הימים א 16 : 7 (ALEP)
ז ביום ההוא אז נתן דויד בראש להדות ליהוה--ביד אסף ואחיו ש
דברי הימים א 16 : 8 (ALEP)
ח הודו ליהוה קראו בשמו-- ס הודיעו בעמים עלילתיו ר
דברי הימים א 16 : 9 (ALEP)
ט שירו לו זמרו לו-- ס שיחו בכל נפלאתיו ר
דברי הימים א 16 : 10 (ALEP)
י התהללו בשם קדשו-- ס ישמח לב מבקשי יהוה ר
דברי הימים א 16 : 11 (ALEP)
יא דרשו יהוה ועזו-- ס בקשו פניו תמיד ר
דברי הימים א 16 : 12 (ALEP)
יב זכרו נפלאתיו אשר עשה-- ס מפתיו ומשפטי פיהו ר
דברי הימים א 16 : 13 (ALEP)
יג זרע ישראל עבדו-- ס בני יעקב בחיריו ר
דברי הימים א 16 : 14 (ALEP)
יד הוא יהוה אלהינו-- ס בכל הארץ משפטיו ר
דברי הימים א 16 : 15 (ALEP)
טו זכרו לעולם בריתו-- ס דבר צוה לאלף דור ר
דברי הימים א 16 : 16 (ALEP)
טז אשר כרת את אברהם-- ס ושבועתו ליצחק ר
דברי הימים א 16 : 17 (ALEP)
יז ויעמידה ליעקב לחק-- ס לישראל ברית עולם ר
דברי הימים א 16 : 18 (ALEP)
יח לאמר לך אתן ארץ כנען-- ס חבל נחלתכם ר
דברי הימים א 16 : 19 (ALEP)
יט בהיותכם מתי מספר-- ס כמעט וגרים בה ר
דברי הימים א 16 : 20 (ALEP)
כ ויתהלכו מגוי אל גוי-- ס ומממלכה אל עם אחר ר
דברי הימים א 16 : 21 (ALEP)
כא לא הניח לאיש לעשקם-- ס ויוכח עליהם מלכים ר
דברי הימים א 16 : 22 (ALEP)
כב אל תגעו במשיחי-- ס ובנביאי אל תרעו רש
דברי הימים א 16 : 23 (ALEP)
כג שירו ליהוה כל הארץ-- ס בשרו מיום אל יום ישועתו ר
דברי הימים א 16 : 24 (ALEP)
כד ספרו בגוים את כבודו-- ס בכל העמים נפלאתיו ר
דברי הימים א 16 : 25 (ALEP)
כה כי גדול יהוה ומהלל מאד-- ס ונורא הוא על כל אלהים ר
דברי הימים א 16 : 26 (ALEP)
כו כי כל אלהי העמים אלילים-- ס ויהוה שמים עשה ר
דברי הימים א 16 : 27 (ALEP)
כז הוד והדר לפניו-- ס עז וחדוה במקמו ר
דברי הימים א 16 : 28 (ALEP)
כח הבו ליהוה משפחות עמים-- ס הבו ליהוה כבוד ועז ר
דברי הימים א 16 : 29 (ALEP)
כט הבו ליהוה כבוד שמו ס שאו מנחה ובאו לפניו-- ר השתחוו ליהוה בהדרת קדש ס
דברי הימים א 16 : 30 (ALEP)
ל חילו מלפניו כל הארץ-- ר אף תכון תבל בל תמוט ס
דברי הימים א 16 : 31 (ALEP)
לא ישמחו השמים ותגל הארץ-- ר ויאמרו בגוים יהוה מלך ס
דברי הימים א 16 : 32 (ALEP)
לב ירעם הים ומלואו-- ר יעלץ השדה וכל אשר בו ס
דברי הימים א 16 : 33 (ALEP)
לג אז ירננו עצי היער ר מלפני יהוה--כי בא לשפוט את הארץ ס
דברי הימים א 16 : 34 (ALEP)
לד הודו ליהוה כי טוב-- ר כי לעולם חסדו ס
דברי הימים א 16 : 35 (ALEP)
לה ואמרו--הושיענו אלהי ישענו ר וקבצנו והצילנו מן הגוים ס להדות לשם קדשך ר להשתבח בתהלתך ס
דברי הימים א 16 : 36 (ALEP)
לו ברוך יהוה אלהי ישראל-- ר מן העולם ועד העלם ויאמרו כל העם אמן-- ס והלל ליהוה ר {ש}
דברי הימים א 16 : 37 (ALEP)
לז ויעזב שם לפני ארון ברית יהוה לאסף ולאחיו לשרת לפני הארון תמיד--לדבר יום ביומו
דברי הימים א 16 : 38 (ALEP)
לח ועבד אדם ואחיהם ששים ושמונה ס ועבד אדם בן ידיתון וחסה לשערים
דברי הימים א 16 : 39 (ALEP)
לט ואת צדוק הכהן ואחיו הכהנים לפני משכן יהוה--בבמה אשר בגבעון
דברי הימים א 16 : 40 (ALEP)
מ להעלות עלות ליהוה על מזבח העלה תמיד--לבקר ולערב ולכל הכתוב בתורת יהוה אשר צוה על ישראל
דברי הימים א 16 : 41 (ALEP)
מא ועמהם הימן וידותון ושאר הברורים אשר נקבו בשמות--להדות ליהוה כי לעולם חסדו
דברי הימים א 16 : 42 (ALEP)
מב ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער
דברי הימים א 16 : 43 (ALEP)
מג וילכו כל העם איש לביתו ויסב דויד לברך את ביתו פ
❮
❯