תהלים פֶּרֶק 81

1 א   למנצח על-הגתית לאסף

2 ב   הרנינו לאלהים עוזנו    הריעו לאלהי יעקב

3 ג   שאו-זמרה ותנו-תף    כנור נעים עם-נבל

4 ד   תקעו בחדש שופר    בכסה ליום חגנו

5 ה   כי חק לישראל הוא    משפט לאלהי יעקב

6 ו   עדות ביהוסף שמו--    בצאתו על-ארץ מצרים שפת לא-ידעתי    אשמע

תהלים פֶּרֶק 81

7 ז   הסירותי מסבל שכמו    כפיו מדוד תעברנה

8 ח   בצרה קראת    ואחלצך אענך בסתר רעם    אבחנך על-מי מריבה סלה

9 ט   שמע עמי ואעידה בך    ישראל אם-תשמע-לי

10 י   לא-יהיה בך אל זר    ולא תשתחוה לאל נכר

11 יא   אנכי יהוה אלהיך--    המעלך מארץ מצרים הרחב-פיך    ואמלאהו

תהלים פֶּרֶק 81

12 יב   ולא-שמע עמי לקולי    וישראל לא-אבה לי

13 יג   ואשלחהו בשרירות לבם    ילכו במועצותיהם

14 יד   לו--עמי שמע לי    ישראל בדרכי יהלכו

15 טו   כמעט אויביהם אכניע    ועל צריהם אשיב ידי

16 טז   משנאי יהוה יכחשו-לו    ויהי עתם לעולם ()יז  ויאכילהומחלבחטה  ומצורדבשאשביעך