תהלים פֶּרֶק 77

1 א   למנצח על-ידיתון (ידותון) לאסף מזמור

2 ב   קולי אל-אלהים ואצעקה    קולי אל-אלהים והאזין אלי

3 ג   ביום צרתי    אדני דרשתי ידי לילה נגרה--ולא תפוג    מאנה הנחם נפשי

4 ד   אזכרה אלהים ואהמיה    אשיחה ותתעטף רוחי סלה

5 ה   אחזת שמרות עיני    נפעמתי ולא אדבר

תהלים פֶּרֶק 77

6 ו   חשבתי ימים מקדם--    שנות עולמים

7 ז   אזכרה נגינתי בלילה    עם-לבבי אשיחה ויחפש רוחי

8 ח   הלעולמים יזנח אדני    ולא-יסיף לרצות עוד

9 ט   האפס לנצח חסדו    גמר אמר לדר ודר

10 י   השכח חנות אל    אם-קפץ באף רחמיו סלה

11 יא   ואמר חלותי היא--    שנות ימין עליון

תהלים פֶּרֶק 77

12 יב   אזכיר (אזכור) מעללי-יה    כי-אזכרה מקדם פלאך

13 יג   והגיתי בכל-פעלך    ובעלילותיך אשיחה

14 יד   אלהים בקדש דרכך    מי-אל גדול כאלהים

15 טו   אתה האל עשה פלא    הודעת בעמים עזך

16 טז   גאלת בזרוע עמך    בני-יעקב ויוסף סלה

17 יז   ראוך מים אלהים--ראוך מים יחילו    אף ירגזו תהמות

תהלים פֶּרֶק 77

18 יח   זרמו מים עבות--קול נתנו שחקים    אף-חצציך יתהלכו

19 יט   קול רעמך בגלגל--האירו ברקים תבל    רגזה ותרעש הארץ

20 כ   בים דרכך--ושביליך (ושבילך) במים רבים    ועקבותיך לא נדעו ()כא  נחיתכצאןעמך--  ביד-משהואהרן