תהלים פֶּרֶק 72

1 א   לשלמה    אלהים--משפטיך למלך תן וצדקתך לבן-מלך

2 ב   ידין עמך בצדק    וענייך במשפט

3 ג   ישאו הרים שלום לעם    וגבעות בצדקה

4 ד   ישפט עניי-עם--יושיע לבני אביון    וידכא עושק

5 ה   ייראוך עם-שמש    ולפני ירח דור דורים

6 ו   ירד כמטר על-גז    כרביבים זרזיף ארץ

תהלים פֶּרֶק 72

7 ז   יפרח-בימיו צדיק    ורב שלום עד-בלי ירח

8 ח   וירד מים עד-ים    ומנהר עד-אפסי-ארץ

9 ט   לפניו יכרעו ציים    ואיביו עפר ילחכו

10 י   מלכי תרשיש ואיים    מנחה ישיבו מלכי שבא וסבא    אשכר יקריבו

11 יא   וישתחוו-לו כל-מלכים    כל-גוים יעבדוהו

12 יב   כי-יציל אביון משוע    ועני ואין-עזר לו

תהלים פֶּרֶק 72

13 יג   יחס על-דל ואביון    ונפשות אביונים יושיע

14 יד   מתוך ומחמס יגאל נפשם    וייקר דמם בעיניו

15 טו   ויחי--    ויתן-לו מזהב שבא ויתפלל בעדו תמיד    כל-היום יברכנהו

16 טז   יהי פסת-בר בארץ--    בראש הרים ירעש כלבנון פריו    ויציצו מעיר כעשב הארץ

17 יז   יהי שמו לעולם--    לפני-שמש ינין (ינון) שמו ויתברכו בו    כל-גוים יאשרוהו

תהלים פֶּרֶק 72

18 יח   ברוך יהוה אלהים--אלהי ישראל    עשה נפלאות לבדו

19 יט   וברוך שם כבודו--    לעולם וימלא כבודו את-כל הארץ--    אמן ואמן

20 כ   כלו תפלות--    דוד בן-ישי