תהלים פֶּרֶק 6

1 א   למנצח בנגינות על-השמינית    מזמור לדוד

2 ב   יהוה אל-באפך תוכיחני    ואל-בחמתך תיסרני

3 ג   חנני יהוה כי אמלל-אני    רפאני יהוה--כי נבהלו עצמי

4 ד   ונפשי נבהלה מאד    ואת (ואתה) יהוה עד-מתי

5 ה   שובה יהוה חלצה נפשי    הושיעני למען חסדך

6 ו   כי אין במות זכרך    בשאול מי יודה-לך

תהלים פֶּרֶק 6

7 ז   יגעתי באנחתי--אשחה בכל-לילה מטתי    בדמעתי ערשי אמסה

8 ח   עששה מכעס עיני    עתקה בכל-צוררי

9 ט   סורו ממני כל-פעלי און    כי-שמע יהוה קול בכיי

10 י   שמע יהוה תחנתי    יהוה תפלתי יקח ()יא  יבשוויבהלומאד--כל-איבי  ישבויבשורגע