תהלים פֶּרֶק 45

1 א   למנצח על-ששנים לבני-קרח    משכיל שיר ידידת

2 ב   רחש לבי דבר טוב--    אמר אני מעשי למלך לשוני    עט סופר מהיר

3 ג   יפיפית מבני אדם--    הוצק חן בשפתותיך על-כן ברכך אלהים    לעולם

4 ד   חגור-חרבך על-ירך גבור--    הודך והדרך

5 ה   והדרך צלח רכב--    על-דבר-אמת וענוה-צדק ותורך נוראות    ימינך

תהלים פֶּרֶק 45

6 ו   חציך שנונים    עמים תחתיך יפלו בלב אויבי המלך

7 ז   כסאך אלהים עולם ועד    שבט מישר שבט מלכותך

8 ח   אהבת צדק    ותשנא-רשע על-כן משחך אלהים אלהיך שמן ששון--    מחברך

9 ט   מר-ואהלות קציעות כל-בגדתיך    מן-היכלי שן מני שמחוך

10 י   בנות מלכים ביקרותיך    נצבה שגל לימינך בכתם אופיר

תהלים פֶּרֶק 45

11 יא   שמעי-בת וראי והטי אזנך    ושכחי עמך ובית אביך

12 יב   ויתאו המלך יפיך    כי-הוא אדניך והשתחוי-לו

13 יג   ובת-צר    במנחה פניך יחלו--עשירי עם

14 יד   כל-כבודה בת-מלך פנימה    ממשבצות זהב לבושה

15 טו   לרקמות תובל למלך    בתולות אחריה רעותיה--מובאות לך

16 טז   תובלנה בשמחת וגיל    תבאינה בהיכל מלך

תהלים פֶּרֶק 45

17 יז   תחת אבתיך יהיו בניך    תשיתמו לשרים בכל-הארץ ()יח  אזכירהשמךבכל-דרודר  על-כןעמיםיהודוךלעלםועד