תהלים פֶּרֶק 44

1 א   למנצח לבני-קרח משכיל

2 ב   אלהים באזנינו שמענו--    אבותינו ספרו-לנו פעל פעלת בימיהם    בימי קדם

3 ג   אתה ידך גוים הורשת--    ותטעם תרע לאמים    ותשלחם

4 ד   כי לא בחרבם ירשו ארץ    וזרועם לא-הושיעה-למו כי-ימינך וזרועך ואור פניך--    כי רציתם

5 ה   אתה-הוא מלכי אלהים    צוה ישועות יעקב

תהלים פֶּרֶק 44

6 ו   בך צרינו ננגח    בשמך נבוס קמינו

7 ז   כי לא בקשתי אבטח    וחרבי לא תושיעני

8 ח   כי הושעתנו מצרינו    ומשנאינו הבישות

9 ט   באלהים הללנו כל-היום    ושמך לעולם נודה סלה

10 י   אף-זנחת ותכלימנו    ולא-תצא בצבאותינו

11 יא   תשיבנו אחור מני-צר    ומשנאינו שסו למו

תהלים פֶּרֶק 44

12 יב   תתננו כצאן מאכל    ובגוים זריתנו

13 יג   תמכר-עמך בלא-הון    ולא-רבית במחיריהם

14 יד   תשימנו חרפה לשכנינו    לעג וקלס לסביבותינו

15 טו   תשימנו משל בגוים    מנוד-ראש בלאמים

16 טז   כל-היום כלמתי נגדי    ובשת פני כסתני

17 יז   מקול מחרף ומגדף    מפני אויב ומתנקם

תהלים פֶּרֶק 44

18 יח   כל-זאת באתנו ולא שכחנוך    ולא-שקרנו בבריתך

19 יט   לא-נסוג אחור לבנו    ותט אשרינו מני ארחך

20 כ   כי דכיתנו במקום תנים    ותכס עלינו בצלמות

21 כא   אם-שכחנו שם אלהינו    ונפרש כפינו לאל זר

22 כב   הלא אלהים יחקר-זאת    כי-הוא ידע תעלמות לב

23 כג   כי-עליך הרגנו כל-היום    נחשבנו כצאן טבחה

תהלים פֶּרֶק 44

24 כד   עורה למה תישן אדני    הקיצה אל-תזנח לנצח

25 כה   למה-פניך תסתיר    תשכח ענינו ולחצנו

26 כו   כי שחה לעפר נפשנו    דבקה לארץ בטננו ()כז  קומהעזרתהלנו  ופדנולמעןחסדך