תהלים פֶּרֶק 39

1 א   למנצח לידיתון (לידותון)    מזמור לדוד

2 ב   אמרתי--    אשמרה דרכי מחטוא בלשוני אשמרה לפי מחסום--    בעד רשע לנגדי

3 ג   נאלמתי דומיה החשיתי מטוב    וכאבי נעכר

4 ד   חם-לבי בקרבי--בהגיגי תבער-אש    דברתי בלשוני

5 ה   הודיעני יהוה קצי--ומדת ימי מה-היא    אדעה מה-חדל אני

תהלים פֶּרֶק 39

6 ו   הנה טפחות נתתה ימי--    וחלדי כאין נגדך אך כל-הבל כל-אדם    נצב סלה

7 ז   אך-בצלם יתהלך-איש--    אך-הבל יהמיון יצבר    ולא-ידע מי-אספם

8 ח   ועתה מה-קויתי אדני--    תוחלתי לך היא

9 ט   מכל-פשעי הצילני    חרפת נבל אל-תשימני

10 י   נאלמתי לא אפתח-פי    כי אתה עשית

תהלים פֶּרֶק 39

11 יא   הסר מעלי נגעך    מתגרת ידך אני כליתי

12 יב   בתוכחות על-עון יסרת איש--    ותמס כעש חמודו אך הבל כל-אדם    סלה

13 יג   שמעה תפלתי יהוה    ושועתי האזינה-- אל-דמעתי    אל-תחרש כי גר אנכי עמך    תושב ככל-אבותי ()יד  השעממניואבליגה--  בטרםאלךואינני