תהלים פֶּרֶק 22

1 א   למנצח על-אילת השחר    מזמור לדוד

2 ב   אלי אלי למה עזבתני    רחוק מישועתי דברי שאגתי

3 ג   אלהי--אקרא יומם ולא תענה    ולילה ולא-דמיה לי

4 ד   ואתה קדוש--    יושב תהלות ישראל

5 ה   בך בטחו אבתינו    בטחו ותפלטמו

6 ו   אליך זעקו ונמלטו    בך בטחו ולא-בושו

תהלים פֶּרֶק 22

7 ז   ואנכי תולעת ולא-איש    חרפת אדם ובזוי עם

8 ח   כל-ראי ילעגו לי    יפטירו בשפה יניעו ראש

9 ט   גל אל-יהוה יפלטהו    יצילהו כי חפץ בו

10 י   כי-אתה גחי מבטן    מבטיחי על-שדי אמי

11 יא   עליך השלכתי מרחם    מבטן אמי אלי אתה

12 יב   אל-תרחק ממני כי-צרה קרובה    כי-אין עוזר

תהלים פֶּרֶק 22

13 יג   סבבוני פרים רבים    אבירי בשן כתרוני

14 יד   פצו עלי פיהם    אריה טרף ושאג

15 טו   כמים נשפכתי--    והתפרדו כל-עצמותי היה לבי כדונג    נמס בתוך מעי

16 טז   יבש כחרש כחי ולשוני מדבק מלקוחי    ולעפר-מות תשפתני

17 יז   כי סבבוני כלבים    עדת מרעים הקיפוני כארי ידי ורגלי

תהלים פֶּרֶק 22

18 יח   אספר כל-עצמותי    המה יביטו יראו-בי

19 יט   יחלקו בגדי להם    ועל-לבושי יפילו גורל

20 כ   ואתה יהוה אל-תרחק    אילותי לעזרתי חושה

21 כא   הצילה מחרב נפשי    מיד-כלב יחידתי

22 כב   הושיעני מפי אריה    ומקרני רמים עניתני

23 כג   אספרה שמך לאחי    בתוך קהל אהללך

תהלים פֶּרֶק 22

24 כד   יראי יהוה הללוהו--    כל-זרע יעקב כבדוהו וגורו ממנו    כל-זרע ישראל

25 כה   כי לא-בזה ולא שקץ ענות עני--    ולא-הסתיר פניו ממנו ובשועו אליו    שמע

26 כו   מאתך תהלתי    בקהל רב--נדרי אשלם נגד יראיו

27 כז   יאכלו ענוים וישבעו--    יהללו יהוה דרשיו יחי לבבכם    לעד

28 כח   יזכרו וישבו אל-יהוה--    כל-אפסי-ארץ וישתחוו לפניך    כל-משפחות גוים

תהלים פֶּרֶק 22

29 כט   כי ליהוה המלוכה    ומשל בגוים

30 ל   אכלו וישתחוו כל-דשני-ארץ--    לפניו יכרעו כל-יורדי עפר ונפשו    לא חיה

31 לא   זרע יעבדנו    יספר לאדני לדור ()לב  יבאוויגידוצדקתו  לעםנולדכיעשה