תהלים פֶּרֶק 21

1 א   למנצח מזמור לדוד

2 ב   יהוה בעזך ישמח-מלך    ובישועתך מה-יגיל (יגל) מאד

3 ג   תאות לבו נתתה לו    וארשת שפתיו בל-מנעת סלה

4 ד   כי-תקדמנו ברכות טוב    תשית לראשו עטרת פז

5 ה   חיים שאל ממך--נתתה לו    ארך ימים עולם ועד

6 ו   גדול כבודו בישועתך    הוד והדר תשוה עליו

תהלים פֶּרֶק 21

7 ז   כי-תשיתהו ברכות לעד    תחדהו בשמחה את-פניך

8 ח   כי-המלך בטח ביהוה    ובחסד עליון בל-ימוט

9 ט   תמצא ידך לכל-איביך    ימינך תמצא שנאיך

10 י   תשיתמו כתנור אש--    לעת פניך יהוה באפו יבלעם    ותאכלם אש

11 יא   פרימו מארץ תאבד    וזרעם מבני אדם

12 יב   כי-נטו עליך רעה    חשבו מזמה בל-יוכלו

תהלים פֶּרֶק 21

13 יג   כי תשיתמו שכם    במיתריך תכונן על-פניהם ()יד  רומהיהוהבעזך  נשירהונזמרהגבורתך