תהלים פֶּרֶק 17

1 א   תפלה לדוד שמעה יהוה צדק--    הקשיבה רנתי האזינה תפלתי בלא    שפתי מרמה

2 ב   מלפניך משפטי יצא    עיניך תחזינה מישרים

3 ג   בחנת לבי פקדת לילה--    צרפתני בל-תמצא זמתי    בל-יעבר-פי

4 ד   לפעלות אדם בדבר שפתיך--    אני שמרתי ארחות פריץ

5 ה   תמך אשרי במעגלותיך    בל-נמוטו פעמי

תהלים פֶּרֶק 17

6 ו   אני-קראתיך כי-תענני אל    הט-אזנך לי שמע אמרתי

7 ז   הפלה חסדיך מושיע חוסים--    ממתקוממים בימינך

8 ח   שמרני כאישון בת-עין    בצל כנפיך תסתירני

9 ט   מפני רשעים זו שדוני    איבי בנפש יקיפו עלי

10 י   חלבמו סגרו    פימו דברו בגאות

11 יא   אשרינו עתה סבבוני (סבבונו)    עיניהם ישיתו לנטות בארץ

תהלים פֶּרֶק 17

12 יב   דמינו--כאריה יכסוף לטרף    וככפיר ישב במסתרים

13 יג   קומה יהוה--    קדמה פניו הכריעהו פלטה נפשי    מרשע חרבך

14 יד   ממתים ידך יהוה    ממתים מחלד-- חלקם בחיים    וצפינך (וצפונך) תמלא בטנם ישבעו בנים--    והניחו יתרם לעולליהם

15 טו   אני--בצדק אחזה פניך    אשבעה בהקיץ תמונתך