תהלים פֶּרֶק 16

1 א   מכתם לדוד    שמרני אל כי-חסיתי בך

2 ב   אמרת ליהוה אדני אתה    טובתי בל-עליך

3 ג   לקדושים אשר-בארץ המה    ואדירי כל-חפצי-בם

4 ד   ירבו עצבותם    אחר מהרו בל-אסיך נסכיהם מדם    ובל-אשא את-שמותם על-שפתי

5 ה   יהוה מנת-חלקי וכוסי--    אתה תומיך גורלי

תהלים פֶּרֶק 16

6 ו   חבלים נפלו-לי בנעמים    אף-נחלת שפרה עלי

7 ז   אברך--את-יהוה אשר יעצני    אף-לילות יסרוני כליותי

8 ח   שויתי יהוה לנגדי תמיד    כי מימיני בל-אמוט

9 ט   לכן שמח לבי--ויגל כבודי    אף-בשרי ישכן לבטח

10 י   כי לא-תעזב נפשי לשאול    לא-תתן חסידך לראות שחת

11 יא   תודיעני    ארח חיים שבע שמחות את-פניך    נעמות בימינך נצח