תהלים פֶּרֶק 148

1 א   הללו-יה הללו את-יהוה מן-השמים    הללוהו במרומים

2 ב   הללוהו כל-מלאכיו    הללוהו כל-צבאו

3 ג   הללוהו שמש וירח    הללוהו כל-כוכבי אור

4 ד   הללוהו שמי השמים    והמים אשר מעל השמים

5 ה   יהללו את-שם יהוה    כי הוא צוה ונבראו

6 ו   ויעמידם לעד לעולם    חק-נתן ולא יעבור

תהלים פֶּרֶק 148

7 ז   הללו את-יהוה מן-הארץ--    תנינים וכל-תהמות

8 ח   אש וברד שלג וקיטור    רוח סערה עשה דברו

9 ט   ההרים וכל-גבעות    עץ פרי וכל-ארזים

10 י   החיה וכל-בהמה    רמש וצפור כנף

11 יא   מלכי-ארץ וכל-לאמים    שרים וכל-שפטי ארץ

12 יב   בחורים וגם-בתולות    זקנים עם-נערים

תהלים פֶּרֶק 148

13 יג   יהללו את-שם יהוה--    כי-נשגב שמו לבדו הודו    על-ארץ ושמים

14 יד   וירם קרן לעמו    תהלה לכל-חסידיו-- לבני ישראל    עם קרבו הללו-יה