תהלים פֶּרֶק 102

1 א   תפלה לעני כי-יעטף--    ולפני יהוה ישפך שיחו

2 ב   יהוה שמעה תפלתי    ושועתי אליך תבוא

3 ג   אל-תסתר פניך ממני--    ביום צר-לי הטה-אלי אזנך    ביום אקרא מהר ענני

4 ד   כי-כלו בעשן ימי    ועצמותי כמוקד נחרו

5 ה   הוכה-כעשב ויבש לבי    כי-שכחתי מאכל לחמי

תהלים פֶּרֶק 102

6 ו   מקול אנחתי--    דבקה עצמי לבשרי

7 ז   דמיתי לקאת מדבר    הייתי ככוס חרבות

8 ח   שקדתי ואהיה--    כצפור בודד על-גג

9 ט   כל-היום חרפוני אויבי    מהוללי בי נשבעו

10 י   כי-אפר כלחם אכלתי    ושקוי בבכי מסכתי

11 יא   מפני-זעמך וקצפך--    כי נשאתני ותשליכני

תהלים פֶּרֶק 102

12 יב   ימי כצל נטוי    ואני כעשב איבש

13 יג   ואתה יהוה לעולם תשב    וזכרך לדר ודר

14 יד   אתה תקום תרחם ציון    כי-עת לחננה כי-בא מועד

15 טו   כי-רצו עבדיך את-אבניה    ואת-עפרה יחננו

16 טז   וייראו גוים את-שם יהוה    וכל-מלכי הארץ את-כבודך

17 יז   כי-בנה יהוה ציון--    נראה בכבודו

תהלים פֶּרֶק 102

18 יח   פנה אל-תפלת הערער    ולא-בזה את-תפלתם

19 יט   תכתב זאת לדור אחרון    ועם נברא יהלל-יה

20 כ   כי-השקיף ממרום קדשו    יהוה משמים אל-ארץ הביט

21 כא   לשמע אנקת אסיר    לפתח בני תמותה

22 כב   לספר בציון שם יהוה    ותהלתו בירושלם

23 כג   בהקבץ עמים יחדו    וממלכות לעבד את-יהוה

תהלים פֶּרֶק 102

24 כד   ענה בדרך כחו (כחי)    קצר ימי

25 כה   אמר--אלי אל תעלני בחצי ימי    בדור דורים שנותיך

26 כו   לפנים הארץ יסדת    ומעשה ידיך שמים

27 כז   המה יאבדו--    ואתה תעמד וכלם כבגד יבלו    כלבוש תחליפם ויחלפו

28 כח   ואתה-הוא    ושנותיך לא יתמו ()כט  בני-עבדיךישכונו  וזרעםלפניךיכון