דברים פֶּרֶק 32

1 א האזינו השמים ואדברה  ס   ותשמע הארץ אמרי פי  ר

2 ב יערף כמטר לקחי  ס   תזל כטל אמרתי  ר כשעירם עלי דשא  ס   וכרביבים עלי עשב  ר

3 ג כי שם יהוה אקרא  ס   הבו גדל לאלהינו  ר

דברים פֶּרֶק 32

4 ד הצור תמים פעלו  ס   כי כל דרכיו משפט  ר אל אמונה ואין עול  ס   צדיק וישר הוא  ר

5 ה שחת לו לא בניו מומם  ס   דור עקש ופתלתל  ר

6 ו ה  ליהוה תגמלו זאת--  ס   עם נבל ולא חכם  ר הלוא הוא אביך קנך  ס   הוא עשך ויכננך  ר

דברים פֶּרֶק 32

7 ז זכר ימות עולם בינו שנות דר ודר  ס   שאל אביך ויגדך זקניך ויאמרו לך  ר

8 ח בהנחל עליון גוים  ס   בהפרידו בני אדם  ר יצב גבלת עמים  ס   למספר בני ישראל  ר

9 ט כי חלק יהוה עמו  ס   יעקב חבל נחלתו  ר

דברים פֶּרֶק 32

10 י ימצאהו בארץ מדבר  ס   ובתהו ילל ישמן  ר יסבבנהו יבוננהו--  ס   יצרנהו כאישון עינו  ר

11 יא כנשר יעיר קנו על גוזליו ירחף  ס   יפרש כנפיו יקחהו ישאהו על אברתו  ר

12 יב יהוה בדד ינחנו  ס   ואין עמו אל נכר  ר

דברים פֶּרֶק 32

13 יג ירכבהו על במותי (במתי) ארץ  ס   ויאכל תנובת שדי  ר וינקהו דבש מסלע  ס   ושמן מחלמיש צור  ר

14 יד חמאת בקר וחלב צאן  ס   עם חלב כרים ואילים  ר בני בשן ועתודים  ס   עם חלב כליות חטה  ר ודם ענב תשתה חמר  ס

דברים פֶּרֶק 32

15 טו וישמן ישרון ויבעט  ר שמנת עבית כשית  ס   ויטש אלוה עשהו  ר וינבל צור ישעתו  ס

16 טז יקנאהו בזרים  ר בתועבת יכעיסהו  ס

17 יז יזבחו לשדים לא אלה--  ר אלהים לא ידעום  ס   חדשים מקרב באו  ר לא שערום אבתיכם  ס

דברים פֶּרֶק 32

18 יח צור ילדך תשי  ר ותשכח אל מחללך  ס

19 יט וירא יהוה וינאץ  ר מכעס בניו ובנתיו  ס

20 כ ויאמר אסתירה פני מהם--  ר אראה מה אחריתם  ס   כי דור תהפכת המה  ר בנים לא אמן בם  ס

דברים פֶּרֶק 32

21 כא הם קנאוני בלא אל  ר כעסוני בהבליהם  ס   ואני אקניאם בלא עם  ר בגוי נבל אכעיסם  ס

22 כב כי אש קדחה באפי  ר ותיקד עד שאול תחתית  ס   ותאכל ארץ ויבלה  ר ותלהט מוסדי הרים  ס

דברים פֶּרֶק 32

23 כג אספה עלימו רעות  ר חצי אכלה בם  ס

24 כד מזי רעב ולחמי רשף  ר וקטב מרירי  ס   ושן בהמת אשלח בם  ר עם חמת זחלי עפר  ס

25 כה מחוץ תשכל חרב ומחדרים אימה גם בחור  ר גם בתולה--יונק עם איש שיבה  ס

דברים פֶּרֶק 32

26 כו אמרתי אפאיהם  ר אשביתה מאנוש זכרם  ס

27 כז לולי כעס אויב אגור--  ר פן ינכרו צרימו  ס   פן יאמרו ידנו רמה  ר ולא יהוה פעל כל זאת  ס

28 כח כי גוי אבד עצות המה  ר ואין בהם תבונה  ס

דברים פֶּרֶק 32

29 כט לו חכמו ישכילו זאת  ר יבינו לאחריתם  ס

30 ל איכה ירדף אחד אלף  ר ושנים יניסו רבבה  ס   אם לא כי צורם מכרם  ר ויהוה הסגירם  ס

31 לא כי לא כצורנו צורם  ר ואיבינו פלילים  ס

דברים פֶּרֶק 32

32 לב כי מגפן סדם גפנם  ר ומשדמת עמרה  ס   ענבמו ענבי רוש--  ר אשכלת מררת למו  ס

33 לג חמת תנינם יינם  ר וראש פתנים אכזר  ס

34 לד הלא הוא כמס עמדי  ר חתום באוצרתי  ס

דברים פֶּרֶק 32

35 לה לי נקם ושלם  ר לעת תמוט רגלם  ס   כי קרוב יום אידם  ר וחש עתדת למו  ס

36 לו כי ידין יהוה עמו  ר ועל עבדיו יתנחם  ס   כי יראה כי אזלת יד  ר ואפס עצור ועזוב  ס

דברים פֶּרֶק 32

37 לז ואמר אי אלהימו--  ר צור חסיו בו  ס

38 לח אשר חלב זבחימו יאכלו  ר ישתו יין נסיכם  ס   יקומו ויעזרכם--  ר יהי עליכם סתרה  ס

39 לט ראו עתה כי אני אני הוא  ר ואין אלהים עמדי  ס   אני אמית ואחיה  ר מחצתי ואני ארפא  ס   ואין מידי מציל  ר

דברים פֶּרֶק 32

40 מ כי אשא אל שמים ידי  ס   ואמרתי חי אנכי לעלם  ר

41 מא אם שנותי ברק חרבי  ס   ותאחז במשפט ידי  ר אשיב נקם לצרי  ס   ולמשנאי אשלם  ר

42 מב אשכיר חצי מדם  ס   וחרבי תאכל בשר  ר מדם חלל ושביה  ס   מראש פרעות אויב  ר

דברים פֶּרֶק 32

43 מג הרנינו גוים עמו  ס   כי דם עבדיו יקום  ר ונקם ישיב לצריו  ס   וכפר אדמתו עמו  ר ש

44 מד ויבא משה וידבר את כל דברי השירה הזאת--באזני העם  הוא והושע בן נון

45 מה ויכל משה לדבר את כל הדברים האלה--אל כל ישראל

דברים פֶּרֶק 32

46 מו ויאמר אלהם שימו לבבכם לכל הדברים אשר אנכי מעיד בכם היום  אשר תצום את בניכם לשמר לעשות את כל דברי התורה הזאת

47 מז כי לא דבר רק הוא מכם--כי הוא חייכם ובדבר הזה תאריכו ימים על האדמה אשר אתם עברים את הירדן שמה לרשתה  פ

48 מח וידבר יהוה אל משה בעצם היום הזה לאמר

49 מט עלה אל הר העברים הזה הר נבו אשר בארץ מואב אשר על פני ירחו וראה את ארץ כנען אשר אני נתן לבני ישראל לאחזה

דברים פֶּרֶק 32

50 נ ומת בהר אשר אתה עלה שמה והאסף אל עמיך  כאשר מת אהרן אחיך בהר ההר ויאסף אל עמיו

51 נא על אשר מעלתם בי בתוך בני ישראל במי מריבת קדש מדבר צן--על אשר לא קדשתם אותי בתוך בני ישראל

52 נב כי מנגד תראה את הארץ ושמה לא תבוא--אל הארץ אשר אני נתן לבני ישראל  פ