שמואל ב פֶּרֶק 23

1 א ואלה דברי דוד האחרנים  נאם דוד בן ישי ונאם הגבר הקם על--משיח אלהי יעקב ונעים זמרות ישראל

2 ב רוח יהוה דבר בי ומלתו על לשוני

3 ג אמר אלהי ישראל לי דבר צור ישראל  מושל באדם--צדיק מושל יראת אלהים

4 ד וכאור בקר יזרח שמש בקר לא עבות מנגה ממטר דשא מארץ

5 ה כי לא כן ביתי עם אל  כי ברית עולם שם לי ערוכה בכל ושמרה--כי כל ישעי וכל חפץ כי לא יצמיח

שמואל ב פֶּרֶק 23

6 ו ובליעל כקוץ מנד כלהם  כי לא ביד יקחו

7 ז ואיש יגע בהם ימלא ברזל ועץ חנית ובאש שרוף ישרפו בשבת  פ

8 ח אלה שמות הגברים אשר לדוד  ישב בשבת תחכמני ראש השלשי הוא עדינו העצנו (העצני)--על שמנה מאות חלל בפעם אחד (אחת)  ס

9 ט ואחרו אלעזר בן דדי (דדו) בן אחחי בשלשה גברים (הגברים) עם דוד בחרפם בפלשתים נאספו שם למלחמה ויעלו איש ישראל

שמואל ב פֶּרֶק 23

10 י הוא קם ויך בפלשתים עד כי יגעה ידו ותדבק ידו אל החרב ויעש יהוה תשועה גדולה ביום ההוא והעם ישבו אחריו אך לפשט  ס

11 יא ואחריו שמה בן אגא הררי ויאספו פלשתים לחיה ותהי שם חלקת השדה מלאה עדשים והעם נס מפני פלשתים

12 יב ויתיצב בתוך החלקה ויצילה ויך את פלשתים ויעש יהוה תשועה גדולה  ס

שמואל ב פֶּרֶק 23

13 יג וירדו שלשים (שלשה) מהשלשים ראש ויבאו אל קציר אל דוד--אל מערת עדלם וחית פלשתים חנה בעמק רפאים

14 יד ודוד אז במצודה ומצב פלשתים אז בית לחם

15 טו ויתאוה דוד ויאמר  מי ישקני מים מבאר בית לחם אשר בשער  ס

16 טז ויבקעו שלשת הגברים במחנה פלשתים וישאבו מים מבאר בית לחם אשר בשער וישאו ויבאו אל דוד ולא אבה לשתותם ויסך אתם ליהוה

שמואל ב פֶּרֶק 23

17 יז ויאמר חלילה לי יהוה מעשתי זאת הדם האנשים ההלכים בנפשותם ולא אבה לשתותם אלה עשו שלשת הגברים  ס

18 יח ואבישי אחי יואב בן צרויה הוא ראש השלשי (השלשה) והוא עורר את חניתו על שלש מאות חלל ולו שם בשלשה

19 יט מן השלשה הכי נכבד ויהי להם לשר ועד השלשה לא בא  ס

20 כ ובניהו בן יהוידע בן איש חי (חיל) רב פעלים מקבצאל הוא הכה את שני אראל מואב והוא ירד והכה את האריה (הארי) בתוך הבאר ביום השלג

שמואל ב פֶּרֶק 23

21 כא והוא הכה את איש מצרי אשר (איש) מראה וביד המצרי חנית וירד אליו בשבט ויגזל את החנית מיד המצרי ויהרגהו בחניתו

22 כב אלה עשה בניהו בן יהוידע ולו שם בשלשה הגברים

23 כג מן השלשים נכבד ואל השלשה לא בא וישמהו דוד  ר אל משמעתו  ס

24 כד עשהאל אחי יואב בשלשים אלחנן בן דדו  ר בית לחם  ס

שמואל ב פֶּרֶק 23

25 כה שמה החרדי  ס   אליקא  ר החרדי  ס

26 כו חלץ הפלטי  ס   עירא  ר בן עקש  ס   התקועי  ס

27 כז אביעזר  ר הענתתי  ס   מבני החשתי  ס

שמואל ב פֶּרֶק 23

28 כח צלמון  ר האחחי  ס   מהרי הנטפתי  ס

29 כט חלב בן בענה  ר הנטפתי  ס   אתי בן ריבי מגבעת בני בנימן  ס

30 ל בניהו  ר פרעתני  ס   הדי מנחלי געש  ס

שמואל ב פֶּרֶק 23

31 לא אבי עלבון  ר הערבתי  ס   עזמות הברחמי  ס

32 לב אליחבא  ר השעלבני  ס   בני ישן יהונתן  ס

33 לג שמה  ר ההררי  ס   אחיאם בן שרר האררי  ס

שמואל ב פֶּרֶק 23

34 לד אליפלט  ר בן אחסבי בן המעכתי  ס   אליעם בן אחיתפל  ר הגלני  ס

35 לה חצרו (חצרי) הכרמלי  ס   פערי  ר הארבי  ס

36 לו יגאל בן נתן מצבה  ס   בני  ר הגדי  ס

שמואל ב פֶּרֶק 23

37 לז צלק העמני  ס   נחרי  ר הבארתי--נשאי (נשא) כלי יואב בן צריה  ס

38 לח עירא  ר היתרי  ס   גרב היתרי  ס

39 לט אוריה  ר החתי--כל שלשים ושבעה  פ